Աշխարհում խոշորագույն ավտոմոբիլային կորպորացիան` Toyota-ն, հայտարարել է 729 հազար ավտոմեքենա հետ կանչելու մասին: Պատճառը մեքենաների հավաքման ժամանակ թույլ տրված տարբեր թերություններն են:
Հետկանչման ենթակա են 495 հազար Toyota Tacoma պիկապներ: Նրանցում հայտնաբերվել է անվտանգության բարձիկի էլեկտրասնուցման հետ կապված խնդիրներ:
Հետ են կանչվելու նաև 2009 թ. արտադրության 70.5 հազար Camry սեդաններ և 2009-2011 թթ. Venza կրոսովերներ:
Այս մոդելներում, որոնք արտադրված են հյուսիսամերիկյան տարածքների համար, անհրաժեշտ է վերացնել ազդանշանային համակարգի թերությունը:
Վերջին երկու տարում ընկերությունը տարբեր թերությունների պատճառով հետ է կանչել Toyota մակնիշի ավելի քան 12 մլն ավտոմեքենա։
Ընդհանուր առմամբ` ընկերությունը ԱՄՆ-ին վճարել է 48.8 մլն դոլարի փոխհատուցում մեքենաների հետկանչման համար: