Հյուսիսային Կորեայի միջուկային հարցերով միջնորդն այսօր Նյու Յորքում, որպես մասնավոր այցի մի մաս, հանդիպել է ԱՄՆ-ի գիտնականների հետ։ Հանդիպման նպատակն է վերսկսել Հյուսիսային Կորեայի զինաթափման բանակցությունները:
Associated Press-ը հաղորդում է, որ Հյուսիսային Կորեայի արտաքին գործերի փոխնախարարը և միջազգային միջուկային բանակցությունների հիմնական միջնորդը հանդիպում են ունեցել ամերիկացի գիտնականների հետ՝ Նյու Յորքի հյուրանոցներից մեկում: Հանդիպման վերաբերյալ այլ մանրամասներ չեն հաղորդվել:
Փոխնախարարը եռօրյա այցով գտնվում է ԱՄՆ-ում, բայց նրա գործողությունները գաղտնի են պահվում: