Լրատվական գործակալությունների հաղորդումների համաձայն՝ Թուրքիայի վարչապետը երեքշաբթի օրը կոչ է արել հարևան Սիրիայում մարդասիրական օգնություն տրամադրելու ուղիներ ստեղծել և դատապարտել է կառավարությանն՝ ապստամբների հանդեպ նման կոպիտ վերաբերմունքի համար:
The Guardian-ը հաղորդում է, որ Ռեջեփ Թայիփ Էրդողանն իր կուսակցության օրենսդիրներին Անկարայում ասել է, որ Սիրիայի բանակը զենք է բարձրացնում հենց իր ժողովրդի վրա, ինչն անընդունելի է:
Սիրիա մարդասիրական օգնություն հասցնելը գրեթե անհնար է: «Կարմիր խաչ»–ի միջազգային կոմիտեն արդեն քանիցս կոչ է անում օրվա մեջ մի քանի ժամ նշանակել, որպես «մարդասիրական դադար», որի ընթացքում իրենք կկարողանան տարհանել կամ բժշկական օգնություն ցուցաբերել վիրավորներին:
Սիրիայի կառավարությունը թույլ է տվել «Կարմիր խաչ»–ին մտնել երկիր, բայց արգելել է օգնություն տրամադրել պատերազմական հիմնական կենտրոններ համարվող քաղաքներին, որտեղի բնակչությունն ամենաշատն օգնության կարիք ունի:
