Ղրղըզստանի պատիժների իրագործման պետական ծառայությունը հաստատել է, որ կալանավայրից փախել է երկրի նախկին նախագահ Կուրմանբեկ Բակիևի եշբայրը՝ Ահմադ Բակիևը, հաղորդում է Interfax-ը:
«Այս պահին գործադրվում են բոլոր ջանքերը փախած դատապարտյալին գտնելու և բռնելու համար»,- հայտնել է գործակալության զրուցակիցը:
Գերատեսչությունից հայտնել էեն, որ նախկին նախագահի ազգականը փախել է հիվանդանոցից, որտեղ նրան տեղափոխել էին մարտի 3-ին թոքերի բորբոքման ախտանիշով:
Հիշեցնենք. Բակիևի կրտսեր եղբայրը դատապարտվել էր 7 տարվա ազատազրկման անցյալ տարվա մայիսին Ջալալ Աբադի մարզում իշխանությունը գրավելու համար զանգվածային անկարգություններ կազմակերպելու և ազգամիջյան երկպառակություն հրահրելու մեղադրանքով:
