Փետրվարի 29-ին, ժամը 9.30-10.00-ի սահմաններում, Ղարաբաղի պաշտպանության բանակի հյուսիսային ուղղությամբ տեղակայված զորամասերից մեկի դիտակետում սպանվել էր ժամկետային զինծառայող, 19-ամյա Տիգրան Վանոյի Վարյանը: Նախնական տվյալներով՝ նա սպանվել էր իրեն ամրակցված ինքնաձիգից արձակված գնդակից։ Միջադեպի հետ կապված տարվում էր հետաքննություն:
Այսօր հայտնի դարձավ, որ Վարյանի սպանության կասկածանքով ձերբակալվել է դիտակետի ավագ լեյտենանտ Հովհաննես Աշոտի Հակոբյանը, ով մեղադրվում է ՀՀ քրեական օրենսգրքի 375 հոդվածի 1-ին մասով (իշխանությունը չարաշահել, իշխանազանցություն կամ իշխանության անգործություն):
Հիշեցնենք, որ մահվան փաստի առթիվ հարուցվել էր գործ՝ ՀՀ քրեական օրենսգրքի 110 հոդվածի 1-ին մասով։
