Դամասկոսը, չնայած երկրում տիրող իրադրությանը, միջուկային էներգետիկայի վիճելի հարցերի առնչությամբ կհամագործակցի ԱԷՄԳ–ի հետ: Այս մասին երկուշաբթի օրը հաղորդել է Рейтер գործակալությունը:
ԱԷՄԳ-ի խորհրդի նիստում երկուշաբթի օրը ելույթ ունենալով՝ այդ կազմակերպության գլխավոր տնօրեն Ամանո Յուկիյան ասել է, որ անցած տարվա նոյեմբերին Սիրիային նամակ էր ուղարկել` պահանջելով համագործակցել գործակալության հետ:
«Ես Սիրիայից պատասխան ստացա 2012 թ. փետրվարի 20–ի ամսաթվով, որտեղ խնդրում են հասկանալ «Սիրիայում տիրող բարդ իրադրությունը և նուրբ իրավիճակը»,- ասվում է Ամանոյի հայտարարության մեջ: Միաժամանակ Սիրիան «խոստացել է, որ կշարունակի համագործակցությունը գործակալության հետ, որպեսզի լուծեն վիճելի հարցերը»:
2011 թ. մայիսին ԱԷՄԳ–ն որոշել էր, որ Դեյր Զորի օբյեկտը «ամենայն հավանականությամբ» ռեակտոր է, որի մասին սիրիական իշխանությունները պետք է տեղյակ պահեին գործակալությանը: Բացի այդ, ԱԷՄԳ-ն փորձում է Սիրիայից տեղեկություն ստանալ երեք այլ օբյեկտների մասին, որոնք ամերիկյան հետախույզների տվյալներով՝ կապ ունեն միջուկային մշակման հետ:
«Գործակալությունը փորձում է ամբողջական մուտք ունենալ մյուս օբյեկտներ, որոնք, ինչպես գտնում է ԱԷՄԳ-ը, կապված են Դեյր Զորի օբյեկտի հետ: Ես Սիրիային կոչ եմ անում համագործակցել գործակալոթւյան հետ այդ մյուս օբյեկտների հարցը լուծելու համար»,- Ամանոյի խոսքերը մեջբերում է Рейтер գործակալությունը:
