AFP-ի փոխանցմամբ՝ հանրապետական թեկնածու Միթ Ռոմնին կիրակի օրը հայտարարել է, թե Իրանը կկարողանա միջուկային զենք ձեռք բերել, եթե ԱՄՆ նախագահ Բարաք Օբաման վերընտրվի նախագաhական ընտրություններում:
Ելույթ ունենալով իր 2000 աջակիցների առջև՝ Ռոմնին ասել է, որ նախագահը չի կարողացել պատժամիջոցների միջոցով դադարեցնել Իրանի միջուկային գործողությունները, իսկ ԱՄՆ-ի համար անընդունելի է, որ Իրանը միջուկային զենք ունենա:
Նա այս մեկնաբանություններն արել է մի քանի ժամ անց այն բանից հետո, երբ Օբաման AIPAC համաժողովի ժամանակ ասել էր, թե դեմ է Իրանի դեմ պատերազմին. ճիշտ է, ինքը կարող էր ռազմական ուժ կիրառել Իրանի միջուկային գործողությունները դադարեցնելու համար, սակայն, նախագահի կարծիքով, հարցը կարելի է դեռևս լուծել դիվանագիտական ճանապարհով:
