Շրջանառվում են լուրեր, որ Նորքում ջրծաղիկի համաճարակ է: «Նորքի մանկապարտեզներից մեկում 90 երեխաներից ընդամենը 7-ն են հաճախում»,- ասում է մանկապարտեզի սաներից մեկի մայրը: Նրա խոսքով, պատճառը ջրծաղիկի համաճարակն է: «Երեխաների մի մասը հիվանդ է, մյուս մասը չի հաճախում` վախենալով արագ տարածվող վարակից: Համաճարակի մասին մանրամասներ ստանալու համար դիմեցինք Առողջապահության նախարարություն: ԱՆ հիգիենիկ և համաճարակային վարակիչ և ոչ վարակիչ հիվանդությունների բաժնի գլխավոր մասնագետ Լուսինե Պարոնյանը հերքեց տարածված լուրը: Վարակաբանը դիմել է Նորքի իր կոլեգաներին և ճշտել, որ այնտեղ ջրծաղիկի համաճարակ չկա: «Մանկապարտեզների աշխատակիցները մեզ տեղեկացրին, որ երեխաների չհաճախելու պատճառն այն է, որ սենյակներում ցուրտ է, և քիչ հաճախականության պատճառով մանկապարտեզները դեռ նորմալ չեն աշխատում»,- ասաց վարակաբանը: