Ռուսաստանի վերջին շրջանը` Կալինինգրադը, առավոտյան ժամը 9-ից միացել է ընտրական մարաթոնին: Երկրի արևելքում քվեարկությունը սկսվել էր, երբ դեռ Մոսկվայում գիշեր էր:
Առավոտյան ժամը 8-ին Մոսկվայում բացվել են ընտրական տեղամասերը, իսկ մինչ այդ Չուկոտկայում և Կամչատկայում քվեարկել էր արդեն ընտրողների կեսը:
ՌԴ կենտրոնական ընտրական հանձնաժողովի տվյալների համաձայն՝ Մոսկվայի ժամանակով ժամը 10–ին արդեն քվեարկել է ընտրողների 12,2 տոկոսը: Իսկ 2008 թ. այդ նույն ժամին քվեարկել էր 8.9 տոկոսը:
ՌԴ նախագահ Դմիտրի Մեդվեդևի անունը նախագահի թեկնածուների ցուցակում չկա: Հաղթանակի համար պայքարում են հինգ այլ թեկնածուներ` Վլադիմիր Պուտինը, Գենադի Զյուգանովը, Վլադիմիր Ժիրինովսկին, Սերգեյ Միրոնովը և Միխայիլ Պրոխորովը:
Միայն Մոսկվայում ընտրություններին կհետևեն ավելի քան կես միլիոն ռուս և 700 միջազգային դիտորդներ: