The Daily Telegraph-ի հաղորդմամբ, երբ իտալացի Դարկո Սանջերմանոն հրազենային վնասվածք է ստացել գլխի հատվածում, բոլորը կարծել են, որ վնասվածքը շատ լուրջ է: Սակայն ի զարմանս բոլորի` փռշտալուց հետո փամփուշտը դուրս է եկել նրա քթից:
Դեպքը տեղի է ունեցել Նեապոլում մինչև Ամանորը, սակայն հայտնի է դարձել միայն հիմա:
Թուրինի բնակիչ Դարկո Սանջերմանոն ժամանել է Նեապոլ` մասնակցելու ամանորյա միջոցառումներին: Նրան այդ միջոցառումներից հետո տեղափոխել են հիվանդանոց, քանի որ հրազենային վնասվածք է ստացել քունքի հատվածում: Իրավապահներն ասել են, որ վնասվածքը դիտավորյալ չի հասցվել:
Այս պահին միակ բարդությունը, որ մնացել է այդ պատահարից, այն է, որ թուրինցին մի աչքով ավելի վատ է տեսնում, քան մյուսով:
