Խորհրդարանների վերաբերյալ համաշխարհային կազմակերպության այսօր հրապարակած զեկույցի համաձայն՝ ամբողջ աշխարհի խորհրդարաններում ներկայացված կանանց թիվը չափազանց քիչ է:
Reuters-ը հաղորդում է, որ Միջխորհրդարանական միավորումն իր Women in Parliament–2011 հետազոտության մեջ ասել է, որ 2011 թ. աշխարհի 59 երկրների 69 օրենսդիր պալատներում կանայք ստացել են տեղերի 21.8 տոկոսը միայն: Այս ցուցանիշն այնքան էլ չի տարբերվում անցած տարիների տվյալներից:
Կազմակերպության հայտարարության մեջ ասվում է, որ քաղաքական ուժեղ կամք է հարկավոր, որպեսզի ձեռնարկվեն համապատասխան միջոցառումներ՝ կանանց ներկայացվածությունն աշխարհի խորհրդարաններում մեծացնելու համար:
Հաղորդվում է, որ սրա պատճառն այն է, որ բավական թվով կանայք չեն առաջադրվում որպես պատգամավոր։
