Ճարտարապետների միության նախագահ Մկրտիչ Մինասյանը Երևանի Թումանյան, Նալբանդյան, Ավագ Պետրոսյան փողոցներով և Սայաթ Նովայի պողոտայով պարփակված տարածքում «Երեխաների զարգացման կենտրոնը» քանդելով` բարձրահարկ էլիտար շենք կառուցելու հարցի մանրամասներին տեղյակ չէ և անգամ չգիտի՝ արդյոք այդ տարածքում կառուցվելո՞ւ է շենք, թե՞ դրանք միայն խոսակցություններ են. «Ես իրոք չգիտեմ այդ հարցի մանրամասները, և մեր դիրքորոշումն այն է, որ բակերը պետք է հնարավորինս ազատ պահել, այսինքն՝ եթե մի տեղից ավտոտնակները հանվում են, և հետո, ավելի խտացնելով, բարձրահարկ շենք է կառուցվելու, դա բակի վերակառուցում չէ: Ես չգիտեմ՝ կա՞ արդյոք շենք կառուցելու ծրագիր, որովհետև քաղաքաշինական խորհրդում այդ հարցը չի քննարկվել»:
Լուսանկարը՝ PanArmenianPhoto-ի