Նավթի համաշխարհային գները ցուցաբերում են բացասական դինամիկա հինգշաբթի օրվա գնաճից հետո, ինչը կապված էր Սաուդյան Արաբիայի նավթամուղի պայթյունի հետ: Այն մասին են փաստում առևտրի տվյալները:
Ամերիկյան թեթև WTI (Light Sweet Crude Oil) նավթի մարտի ֆյուչերսների արժեքը, առավոտյան 08.46-ի տվյալով, նվազել է 0.3 դոլարով կամ 0.28 տոկոսով (մինչև 108.54 դոլար) մեկ բարելի դիմաց:
Նախօրեին այդ նավթի արժեքն ավելացել էր 1.7 տոկոսով: Brent նավթային զանգվածի ապրիլյան ֆյուչերսների գները նվազել են 0.7 դոլարով կամ 0.55 տոկոսով` մինչև 125.50 դոլար մեկ բարելի դիմաց:
Նշենք, որ պայթյունի մասին երեկ հաղորդել էր իրանական պետական Press TV ընկերությունը: Այլ տեղեկություններ այլ ԶԼՄ-ների կամ Սաուդյան Արաբիայի իշխանությունների կողմից չեն տրվել, սակայն նավթի հունքի նկատմամբ պահանջարկն աճել է:
« Նավթի 1 բարելի դիմաց 100 դոլարից ավելի գինն արտացոլում է վիճակը Մերձավոր Արևելքում, հատկապես Իրանի շուրջը»,-Bloomberg գործակալության հաղորդմամբ՝ ասել է Barratts Bulletin ընկերության գլխավոր տնօրեն Ջոնաթան Բարաթը:
