Հունվարի 1-ից մինչ օրս Հայաստանի ձիերը ավելացել են 200-ով։ Այս մասին տեղեկացանք գյուղնախարարության անասնաբուծության և տոհմային գործերի վարչության պետ Աշոտ Հովհաննիսյանից։ Իսկ ձիերի ընդհանուր թիվը կազմում է 11 հազար 600 գլուխ։ Հարկ է նկատել, որ ձիերը իրենց մեծ ախորժակի պատճառով աստիճանաբար դուրս մղվեցին գյուղական տնտեսություններից, ինչի արդյունքում նրանց գլխաքանակը կտրուկ նվազեց։ Հայաստանի ձիերի գլխաքանակը տարիներ առաջ զգալի կրճատվել էր նաև համաշխարհային պատերազմի տարիներին, երբ ձիերը «գնացին ու այլևս չվերադարձան» պատերազմի դաշտից։ Այնուամենայնիվ, այսօր ձիարշավարանների շնորհիվ Հայաստանում ձիերի գլխաքանակը տարեցտարի ավելանում է։ Սրան նպաստում է նաև արտերկրից ազնվական տոհմային ձիերի ներկրումը։