ԱՄՆ-ում Վայոմինգ նահանգի օրենդրական մարմնի անդամները մերժել են «աշխարհի վերջի» գալու դեպքում միջոցառումների մասին օրինագիծը:
Ինչպես հաղորդել է «Ազատություն» ռադիոկայանը, քվեարկության ժամանակ 30 դեմ է եղել, 27 կողմ:
Փաստաթուղթը նախատեսում էր արտակարգ միջոցառումներ ԱՄՆ տնտեսական և սոցիալական համակարգի լիակատար փլուզման պարագայում:
«Աղետները երբեմն տեղի են ունենում շատ արագ: Նայեք Լիբանանին ու Եգիպտոսին: Եթե ԱՄՆ-ում նման բան պատահի, ապա օրեսնդիրները ժամանակ չեն ունենա, որպեսզի հավաքվեն ու անհրաժեշտ անելիքները քննարկեն: ՄԻջոցառումների շարքում պետք է լինի Վայոմինգում սեփական բանակ ունենալը, տեղական տարադրամի թողարկումն այն ժամանակ, երբ դոլարը փլուզվի»,- հայտարարել է «Աշխարհի վերջի» օրինագծի հեղինակ Դեյվիդ Միլլերը:
Օրինագծի օգտին է հանդես եկել ամերիկյան հեռուստահաղորդավար Գլեն Բեքը:
Որոշ դիտորդներ կարծում են, որ Վայոմինգի առաջարկը չափազանցված, սակայն մտահոգություն են արտահայտում, որ դոլարը կարող է արժեզրկվել, եթե 5 տարի հետո չինական էկոնոմիկան առաջ անցնի ամերիկյանից, ինչպես ԱՄՀ-ն կանխատեսել էր անցած տարի:
