Ինչպես այսօր Kommersant թերթին ասել է Մոսկվայի Ոստիկանության քաղաքային վարչության օպերատիվ-որոնողական վարչության ղեկավար Դմիտրի Պավլյուչենկովը, հայտնի լրագրողուհի Աննա Պոլիտկովսկայայի սպանության հնարավոր պատվիրատուներն են Լոնդոնում բնակություն հաստատած չեչեն գրոհայինների առաջնորդներից մեկը` Ահմեդ Զակաևը, ինչպես նաև գործարար Բորիս Բերեզովսկին:
Միաժամանակ թերթը նշում է, որ Ռուսաստանի քննչական կոմիտեն այս տեղեկությունը պաշտոնապես չի հաստատել, սակայն նաև չի հերքել: Պավլյուչենկովն ասել է, որ սպանության պատճառ է հանդիսացել Պոլիտկովսկայայի և Զակաևի ու Բերեզովսկու միջև բռնկված վեճը, որը տեղի է ունեցել Լոնդոնում: Այս վարկածի մասին տուժողների իրավահաջորդների ներկայացուցիչների փաստաբանը ոչ մի տեղեկություն չի ունեցել:
Հիշեցնենք, որ Աննա Պոլիտկովսկայան սպանվել էր Մոսկվայում՝ 2006թ.-ի հոկտեմբերին:
