Թունիսը պատրաստ է անհրաժեշտության դեպքում քաղաքական ապաստան տրամադրել Սիրիայի գործող նախագահ Բաշար Ալ-Ասադին և նրա մերձավորներին: Այս մասին գրել է The daily Star-ը` հիմնվելով տեղական մամուլի վրա:
Թունիսի նախագահ Մոնսեֆ Մազրուկին հայտարարել է, որ Ալ-Ասադին քրեական հետապնդումից միջազգային պաշտպանություն տրամադրելը սիրիական ճգնաժամի կարգավորման համաձայնագրի մի մասն է կազմում:
Թունիսի նախագահն առաջակել է, որ նման պաշտպանություն տարածվի նաև նախագահի ընտանիքի անդամների վրա:
2011 թ. նոյեմբերին ԱՄՆ պետքարտուղարի օգնական Ջեֆրի Ֆլետմանը հայտարարել էր, որ Ալ-Ասադին պատրաստ են ընդունել արաբական մի շարք երկրներ, սակայն նա չէր տվել կոնկրետ երկրների անուններ:
Ավելի վաղ Սիրիայի նախագահը հայտարարել էր, որ չի պատրաստվում փախչել երկրից և իշխանության գլուխ կմնա նվազագույնը մինչև տարվա վերջը:
