Հայաստանի ֆուտբոլի ֆեդերացիայի նախագահ Ռուբեն Հայրապետյանը, Facebook-ի իր էջում պատասխանելով երկրպագուներից մեկի հարցին, նշեց, որ ազգային հավաքականի հանդիպումների հեռարձակման որակը կբարձրանա.
«Դուք շատ ճիշտ եք նկատել, որ հեռարձակման որակը շատ վատն է: Հանրային հեռուստաընկերության ղեկավարությունը խոսք է տվել, որ այս տարի նոր տեխնիկա կբերի, կունենանք ավելի բարձր որակի հեռարձակում և կավելանա նաև տեսախցիկների քանակը»:
Հիշեցնենք, որ Հանրային հեռուստաընկերությունն ուղիղ եթերում հեռարձակելու է Հայաստանի հավաքականի` Կիպրոսի Լիմասոլ քաղաքում կայանալիք Սերբիայի ու Կանադայի ազգային ընտրանիների հետ առաջիկա ընկերական երկու հանդիպումները:
