NBA-ի պաշտոնական կայքը տեղեկացնում է, որ «Լոս-Անջելես Լեյքերս»-ի առաջատար Քոբի Բրայընթը NBA-ի բոլոր աստղերի խաղում վաստակած միավորների թվով գերազանցեց լեգենդար Մայքլ Ջորդանի ռեկորդը: Հիշեցնենք, որ Քոբին Արևմտյան գոտու թիմի կազմում վաստակեց 27 միավոր` բոլոր աստղերի խաղերի ժամանակ իր վաստակած միավորների թիվը հասցնելով 271-ի: Ջորդանի ռեկորդը կազմում է 262 միավոր: Երրորդ և չորրերդ տեղերը զբաղեցնում են Քարիմ Աբդուլ-Ջաբբարը (251 միավոր) Օսկար Ռոբերթսոնը (246 միավոր):
Ընթացիկ մրցաշրջանում Բրայընթն անցկացրել է 34 խաղ` մեկ խաղում միջինը վաստակելով 28.4 միավոր, կատարելով 5.8 խլում և 4.9 փոխանցում:
Հիշեցնենք, որ Օրլանդոյում կայացած խաղն ավարտվեց Արևմտյան գոտու թիմի հաղթանակով ` 152:149 հաշվով: Հանդիպման ամենաարդյունավետ խաղացողներ Քևին Դյուրանթն ու Լեբրոն Ջեյմսը վաստակեցին 36-ական միավոր: Դյուրանթը ճանաչվեց նաև հանդիպման ամենաարժեքավոր խաղացող (36 միավոր վաստակեց 37 րոպեների ընթացքում):
