Երեկ Կուբայի մայրաքաղաքում բացվել է բարձրորակ սիգարի 14-րդ իջազգային փառատոնը, որը, կազմակերպիչների խոսքերով, այս տարի հավաքել է ավելի քան 1500 մասնակից և հյուր աշխարհի 70 երկրներից: Այս անգամ այն նվիրվել է ծխախոտի երկու հայտնի ապրանքանիշների՝ Coiba-ին և Romeo y Julieta-ին: Ֆորումի անցկացման հիմնական վայրը Համագումարների պալատն է, որտեղ իրենց տեսականին են ցուցադրում Կուբայի ծխախոտային արտադրության ամենահայտնի ներկայացուցիչները:
Կուբայական սիգարի սիրահարները 5 օրվա ընթացքում կարող են ոչ միայն ծանոթանալ Համագումարների պալատում ներկայացված տեսականուն, այլև այցելել Պինար դել Ռիո մարզի ծխախոտի պլանտացիաներ, ինչպես նաև մայրաքաղաքի լեգենդար սիգարի գործարաններ: Փառատոնի ծրագիրն իր մեջ ներառում է սիգար ոլորելու մաստեր կլասներ, գործնական սեմինարներ, շնորհանդեսներ և դասախոսություններ Կուբայում ծխախոտային արդյունաբերության զարգացման վերաբերյալ: Ինչպես և նախորդ տարիներին, ֆորումը կավարտվի հյումիդորների աճուրդով: Դրանք իրենցից ներկայացնում են թանկարժեք փայտից և մետաղներից ձեռքով պատրաստված սիգարի տուփեր: 2011 թ. դրանց աճուրդից հավաքվել է ավելի քան 1 մլն դոլար շահույթ, ընդ որում, բոլոր հավաքված միջոցները, ավանդույթի համաձայն, ուղարկվում են տեղի առողջապահության համակարգին:
Համաձայն կուբայական սիգարի էքսկլուզիվ մատակարար «Աբանոս» ձեռնարկության՝ անցյալ տարի, չնայած հաամշխարհային ֆինանսական ճգնաժամին, սիգարի վճառաքն ավելացել է 9%-ով՝: Այս պահին այդ ընկերության արտադրանքն իրացվում է աշխարհի ավելի քան 150 երկրներում:
