2010 թ. դեկտեմբերի 1-ի դրությամբ, Հայաստանում առևտրային իրավաբանական անձանց թիվը 2009 թ. դեկտեմբերի 1-ի համեմատ ավելացել է 3.3%-ով, իսկ անհատ ձեռնարկատերերի թիվը` 12.1%-ով: Այս մասին ասվում է Ազգային վիճակագրական ծառայության վերջին հրապարակումներից մեկում: Ընդ որում, բաց բաժնետիրական ընկերությունների (ԲԲԸ) թիվը նվազել է մոտ 2%-ով, իսկ սահմանափակ պատասխանատվությամբ ընկերությունենրի (ՍՊԸ) թիվը ավելացել մոտ 5%-ով: 2010 թ. դեկտեմբերի 1-ի դրությամբ, Հայաստանում եղել է 62 հազար 656 իրավաբանական անձ, որից բաց բաժնետիրական ընկերությունների թիվը 910 է: Փակ բաժնետիրական ընկերությունների (ՓԲԸ) թիվը 2010 թ. դեկտեմբերի 1-ին նախորդող տարվա դեկտեմբերի 1-ի նկատմամբ գրեթե չի փոխվել` կազմելով 3222: