Ավարտվեց ծանրամարտի Հայաստանի 2012 թվականի առաջնությունը։ Մրցաշարի վերջին օրը ելույթ ունեցան 94 կգ, 105 կգ և 105+ կգ քաշային կարգերում հանդես եկող ծանրորդները։
94 կգ քաշային կարգում չեմպիոն դարձավ Վահրամ Գևորգյանը, ով ցույց տվեց 355 կգ երկամարտի արդյունք։ 105 կգ քաշային կարգում Հայաստանի ուժեղագույն ծանրորդ ճանաչվեց Արթուր Բաբայանը՝ երկամարտի 390 կգ արդյունքով։
Գերծանր քաշային կարգում լարված պայքար ծավալվեց գյումրեցի 2 մարզիկների՝ պատանիների աշխարհի չեմպիոն, 17-ամյա Գոռ Մինասյանի և համաշխարհային Ունիվերսիադայի բրոնզե մեդալակիր, 21-ամյա Հայկ Հակոբյանի միջև: Մինասյանը երկամարտի 411 կգ արդյունքով հռչակվեց չեմպիոն, իսկ Հակոբյանը 407 կգ արդյունքով բավարարվեց արծաթե մեդալով։
