Ռուսաստանի նախագահական ընտրություններում իր թենածությունն առաջադրած Վլադիմիր Պուտինը Московские новости թերթում հրատարակված հերթական նախընտրական հոդվածում հայտարարել է, որ անթույլատրելի է համարում ոչ կառավարական կազմակերպությունների գործունեությունը, որոնք զբաղվում են ոչ թե բարեգործությամբ, այլ ապակայունացնում են դրությունը այս կամ այն երկրում:
«Կարելի է պարզապես ողջունել մարդասիրական և բարեգործական ոչ կառավարական կազմակերպությունների քաղաքակիրթ աշխատանքը, որոնք հանդես են գալիս այդ թվում՝ գործող իշխանությունների ակտիվ քննադատությամբ: Սակայն կեղծ ոչ կառավարական կազմակերպությունների և դրսից աջակցության միջոցով դրությունը ապակայունացնելու նպատակ հետապնդող կառուցների ակտիվությունը անթույլատրելի է»,- գրում է Պուտինը՝ հավելելով, որ խոսքն այն դեպքերի մասին է, երբ այդ կազմակերպությունների ակտիվությունը չի բխում առանձին սոցիալական խմբի շահերից և ֆինանսավորվում ու հովանավորվում է արտաքին ուժերի կողմից:
«Ռուսաստանը չի օգտագործում այլ երկրների ազգային ոչ կառավարական կազմակերպությունները, չի ֆինանսավորում ոչ կառավարական կազմակերպությունները, արտասահմանյան քաղաքական կազմակերպությունները իր շահերն առաջ տանելու համար: Այդպես չեն գործում ոչ Հնդկաստանը, ոչ Չինաստանը, ոչ Բրազիլիան»,- գրում է նա:
Պուտինը ենթադրում է, որ ներքին քաղաքականության և հասարակական տրամադրությունների վրա ազդեցությունը այլ երկրների վրա պետք է տարվի բացարձակապես բաց. «Այդ ժամանակ խաղացողները կլինեն առավելագույնս պատասխանատու իրենց գործողությունների համար»:
