Սաուդյան Արաբիան անցյալ շաբաթ ավելացրել է նավթի արտահանումը մինչև 9 մլն բարել օրական՝ նախկին 7.5 մլն բարելի դիմաց: Այս մասին հաղորդում է Reuters-ը՝ վկայակոչելով երկրի նավթի նախարարութան ներկայացուցչին: Առայժմ, սակայն, հայտնի չէ՝ արդյոք նա պատրաստվո՞ւմ է այդ մակարդակը պահել նաև հետագայում:
Նավթի արտահանումն ավելացնելու հիմնական պատճառը նավթի աճող գներն են: Մասնավորապես բրիտանական ֆյուչերսային նավթի գինը հասել է 125 դոլարի: Սաուդյան Արաբիան կարծում է որ 100 դոլարը նավթի համար արդարացի գին է և պատրաստակամություն է հայտնում օգնություն ցուցաբերել սպառող երկրներին տնտեսական աճի տեմպերի նվազման պայմաններում:
Միաժամանակ նավթի արդյունահանումը Սաուդյան Արաբիայում հասել է օրական 11 մլն բարելի: Ընդ որում՝ դրանից միայն 2 մլն բարելն է սպառվում ներքին շուկայում: Այս ցուցիչները ռեկորդային են համարվում երկրի նավթային սեկտորում վերջին մի քանի ամիսների ընթացքում:
Սաուդյան Արաբիան բազմիցս պատրաստակամություն է հայտնել լրացնել համաշխարհային շուկայում նավթի դեֆիցիտը, ինչը կարող է առաջանալ ԱՄՆ-ի և Եվրամիության կողմից Իրանի նավթային սեկտորի դեմ մտցված պատժամիջոցներով պայմանավորված:
