Ինչպես հայտնում է China Daily թերթը, Չինաստանում կապսուլային տիպի առաջին հյուրանոցները հայտնվել են Շանհայում, որտեղ գիշերելը կարժենա 10,3 դոլար:
Մեգապոլիսի կենտրոնում գտնվող կապսուլային հյուրանոցը քաղաքային կայարանին կից է և ունի 68 «համար», որոնցից յուրաքանչյուրն ունի 2,2 մ երկարություն, իսկ լայնությունն ու բարձրությունը չեն գերազանցում 1,1 մ:
Ինչպես հայտնում է հյուրանոցի տերը` 33-ամյա Տա Ցզյանը, իր հյուրանոցի «համարները» ունեն ամեն անհրաժեշտ սարքավորումները, այդ թվում` վարդակ, հեռուստացույց և անլար ինտերնետ համակարգ, որոնք ներմուծվել են Ճապոնիայից, որտեղ կապսուլային հյուրանոցներն առաջին անգամ հայտնվել են 1970-ական թվականներին:
Բացի «հյուրասենյակներից», հյուրանոցում կա նաև հանգստի սենյակ, ծխարան, լոգարան և զուգարան: Ինչպես գրում է հրատարակչությունը, անվտանգության նկատառումներից ելնելով՝ «սենյակները» չունեն դռներ, այլ տարանջատված են արտաքին աշխարհից տեղաշարժվող փայլատ վահանով: Հենց այդ պատճառով էլ ինչպես Ճապոնիայում, այնպես էլ Շանհայում մինի հյուրանոցի հաճախորդներ կարող են լինել «ուժեղ» սեռի ներկայացուցիչները:
Ի տարբերություն կապսուլային տիպի ճապոնական հյուրանոցների, այստեղի հյուրանոցի բնակիչները չեն կարող ցնցուղ ընդունել, սակայն կարող են ընտրել` վերցնե՞լ համարներ խռմփացնող մարդկանց հարևանությամբ: Խռմփացնող և հանգիստ քնող մարդկանց համար առանձնացված են հատուկ գոտիներ:
Այս կապսուլաներում 10 ժամը կարժենա 68 յուան (մոտավորապես 10,25 դոլար), իսկ մեկ օրը` 88 յուան (13,3 դոլար): Այսպիսով, կապսուլային տիպի հյուրանոցներում բնակվելն ավելի թանկ կարժենա, քան մասնավոր բյուջետային հյուրանոցներում, որոնք շատ են Շանհայի խուլ նրբանցքերում: Այս հյուրանոցներում սերվիսը և մաքրությունը ցածր մակարդակի վրա են, սակայն հնարավոր է հանգիստ ննջել: