Թեև տղաները շատ ավելի լավ են մաթեմատիկայից և մյուս գիտություններից, գիտնականների նոր հետազոտության արդյունքում պարզվել է, որ աղջիկներն առավել լավ են թվաբանությունից՝ իրենց բանավոր ունակությունների շնորհիվ:
Պեկինի համալսարանի գիտնականների հետազոտությունը ցույց է տվել, որ աղջիկներն առավել լավ են թվաբանությունից, քան տղաները:
Հետազոտողները մի քանի ուսումնասիրություններ են իրականացրել 8-12 տարեկան աղջիկների և տղաների շրջանում: Գիտնականները նման արդյունքները բացատրում են նրանով, որ հաշվելը բանավոր է, և բազմապատկման աղյուսակը նույնպես անգիր է արվում բանավոր կերպով: Երբ մարդիկ բազմապատկում են թվերը, նրանք դրանք հիշում են այնպես, ինչպես բառերը: Գիտնականներից մեկն ասել է, որ լավ բանավոր ունակությունները կարող են օգնել, որ թվաբանական ունակություններն էլ ավելի զարգանան:
Գիտնականները կարծում են, որ այս արդյունքները կարող են օգնել աղջիկներին և տղաներին առավել լավ սովորել «մաթեմատիկա» առարկան: Տղաները կարող են շատ օգտագործել իրենց բանավոր ունակությունները՝ թվաբանությունը զարգացնելու համար:
Հետազոտության արդյունքները հրապարակվել են Psychological Science ամսագրում:
