Նոր հետազոտությունը բացահայտել է, որ սարդերից վախեցող մարդկանց համար սարդերն ավելի մեծ են թվում, քան նրանք իրականում կան: Օհայոյի պետական համալսարանի գիտնականները գտնում են, որ նման վախը շատ վտանգավոր կարող է լինել, քանի որ թույլ չի տալիս, որ անձը դրա դեմ պայքարի:
Օրինակ, նույն կերպ, մարդիկ, ովքեր վախենում են ասեղներից, և ասեղները նրանց աչքին ավելի մեծ են երևում, նրանք երբեք չեն համաձայնի ներարկում ստանալ, եթե դա անգամ չափազանց կարևոր լինի իրենց առողջության համար:
The Health Day-ը հաղորդում է, որ հետազոտությանը մասնակցել է 57 մարդ: Հետազոտությունը հրապարակվել է Journal of Anxiety Disorder ամսագրում:
Հոգեբան Մայքլ Վասեյն ասել է, որ երբ վախը հասնում է այն աստիճանի, որ վախ առաջացնող առարկան ավելի մեծ է թվում, քան այն իրականում կա, ապա շատ ավելի դժվարէ լինում այդ վախը հաղթահարել, քանի որ «այն սկսում է սնվել ինքն իրենով»:
