TRT-ի ռուսական ծառայության փոխանցմամբ՝ Սիրիայի տարածքով անցնող թուրքական բեռնատարը ենթարկվել է գնդակոծության: Դա տեղի է ունեցել սիրիական Հոմս և Իդլիբ քաղաքների միջև:
Բեռնատարի վարորդ Թուրքիայի քաղաքացուն հաջողվել է բարեհաջող հասնել Թուրքիա: Նա Հորդանանից ուղևորվում էր Ուկրաինա և երկու անգամ վերոնշյալ վայրում ենթարկվել է գնդակոծության: Արդյունքում, նրա բեռնատարին դիպել է 7 փամփուշտ, սակայն վարորդը չի տուժել:
Շոկի մեջ հայտնված թուրք վարորդը լրագրողներին հայտնել է, որ Սիրիայում առկա իրավիճակը շատ ավելի վտանգավոր է, քան նկարագրում են միջազգային ԶԼՄ-ները: Բեռնատարի սեփականատերը տեղի ունեցածից հետո հայտարարել է, որ իրենք այլևս բեռ չեն ուղարկի տվյալ տարածաշրջան:
