ԱՄՆ երրորդ պաշտոնյան` Կոնգրեսի ներկայացուցիչների պալատի խոսնակ Ջոն Բեյները ստացել է նամակ, որում եղել են սպառնալիքներ և սպիտակ փոշի: Այս մասին լրագրողներին հայտնել է Սենատի ներկայացուցիչ Թերենս Հեյները:
Հիշեցնենք, որ վերջին մի քանի օրերի ընթացքում նման բովանդակությամբ և պարունակությամբ նամակներ են ստացել կոնգրեսականներն ու մի քանի հայտնի մարդիկ:
«Չնայած դեռ ոչ մի ծրարում չի հայտնաբերվել կյանքի համար վտանգավոր փոշի, սակայն ակնհայտ է, որ այն մարդը, ով ուղարկում է դրանք, վճռական է տրամադրված, և պոտենցիալ վտանգը դեռ իրական է համարվում»,- ասել է Հեյները: Նա Կոնգրեսի աշխատակիցներին աչալրջության կոչ է արել:
