Նյու Յորքի հարյուրավոր բնակիչներ հերթ են կանգնել կոշիկի խանութների մոտ, որպեսզի առաջիններից մեկը ձեռք բերեն Nike ֆիրմայի 220 դոլար արժողությամբ նոր սպորտային կոշիկները` Galaxy փայլուն ներբանով:
Կոշիկները պատրաստված են «տիեզերական ոճով», իսկ այդպիսի դիզայնը պայմանավորված է նրանով, որ այն վաճառքի է հանվելու փետրվարի 26-ին Օռլանդո քաղաքում (ԱՄՆ, Ֆլորիդա նահանգ) կայանալիք NBA-ի բոլոր աստղերի խաղի նախօրեին, որը կանցկացվի ամերիկյան ՆԱՍԱ տիեզերակայանի գլխավոր կենտրոնակայանից ոչ հեռու:
Ինչպես և ենթադրվում է, նոր սպորտային կոշիկները խանութների վաճառասեղաններին կհայտնվեն միայն ուրբաթ կեսգիշերին տեղական ժամանակով: Սակայն հարյուրավոր մարդիկ արդեն մի քանի օր հերթ են կագնում`վախենալով կորցնել իրենց հերթը: Այս մասին գրում է ITAR-TASS գործակալությունը:
Կոշիկներրը վաճառակետեր կհասնեն սահմանափակ քանակությամբ: Սակայն հերթեր են ոչ միայն Նյու Յորքում, այլև ԱՄՆ մյուս քաղաքներում:
