Ֆրանսիայի կառավարությունը ֆեմինիստների ազդեցության տակ որոշում է կայացրալ պաշտոնական փաստաթղթերում հրաժարվել «մադմուազել» բառի գործածությունից,- տեղեկացնում է AFP:
«Մադմուազել» բառը չամուսնացած կանանց ավանդական դիմալաձև է, որը նման է անգլիական miss-ին կամ գերմանական fraulein-ին: Սակայն ֆեմինիստները պնդում են, թե նման դիմելաձևը վիրավորական է, քանի որ տղամարդկանց դեպքում այդպես չէ. անկախ նրանց տարիքից ու ընտանեկան կարգավիճակից դիմելաձևը նույնն է` «մսյո»:
Համաձայն կառավարության որոշման` նախարարներին խորհուրդ է տրվում հնարավորիսն զերծ մնալ այդ բառի գործածությունից փաստաթղթերում և հարցաթերթիկներում` փոխարինելով այդ բառը «մադամ» բառով:
Ըստ կառավարության հրամանագրի` նախկինում «արգելված» բառով տպագրված փաստաթղթերը կարող են օգտագործվել մինչև ժամկետն անցնելը:
«Մադմուազել» բառին դեմ ֆեմինիստների խումբը կազմավորվել է անցած տարվա աշնանը:
Ավելի վաղ որոշ փոքր քաղաքների իշխանություններն արդեն որոշել էին փաստաթղթերում հրաժարվել այդ բառի գործածությունից: