Արևմտյան տաբլոիդներում լուրեր են շրջանառվում, որ Ուիթնի Հյուսթոնը ցանկանում էր ամուսնանալ Մայքլ Ջեքսոնի հետ, սակայն վերջինս չափազանց համեստ էր նրան նմա առաջարկություն անելու համար: Այսպիսի հայտարարություն է արել Ուիթնիի և Մայքլի ընդհանուր ընկերը՝ ամերիկացի պրոդյուսեր Դևիդ Գեսթը:
Դևիդը ներկա է եղել Ուիթնի Հյուսթոնի հուղարկավորության արարողությանը և եղել է նրա մոտ ըները: Նա պատմել է, որ մի անգամ Ուիթնին և Մայքլը համբուրվել են. այդ մասին նրան պատմել է Ջեքսոնը: Հյուսթոնն էլ պրոդյուսերին խոստովանել է, որ ժամանակին սիրահարված է եղել Ջեքսոնին:
Գեսթի կարծիքով՝ եթե աստղային զույգը միասին լիներ, հնարավոր է՝ Հյուսթոնը չտրվեր թմրանյութերին:
«Երբ անցյալ տարի մենք հանդիպեցինք Կոպենհագենի նրա (Հյուսթոնի) համերգին, դա ամենատխուր տեսարանն էր, որ ես երբևէ տեսել եմ: Նա պարզապես չէր կարողանում նոտաներ վերցնել: Իմ աչքերից արցունքներ էին հոսում՝ որ բոլոր ժամանակների ամենամեծ երգչուհին հանդես է գալիս այդքան ցածր մակարդակով»,- բրիտանական The Sun տապլոիդին պատմել է Դևիդ Գեսթը:
Հիշեցնենք. Ուիթնի Հյուսթոնը մահացել է փետրվարի 11-ին 48 տարկանում: