Associated Press գործակալությունը հաղորդում է, որ ԱՄՆ պաշտպանության նախարարության տվյալներով՝ իրանական ռազմանավերը չեն կայանել սիրիական նավահանգստում: Այս մասին հայտարարել է ամերիկյան ռազմական գերատեսչության մամլո քարտուղար Ջորջ Լիթլը:
Հիշեցնենք, որ ավելի վաղ իրանական Press TV-ն հայտնել էր, թե իրանական երկու ռազմանավեր անցել են Սուեզի ջրանցքով և փետրվարի 20-ին մտել են Սիրիայի տարածքային ջրեր՝ շարժվելով Տարտուս նավահանգստի ուղղությամբ, ուր գտնվում է ռուսական ռազմաբազան:
Անգամ նշվում էր, թե Տարտուսում կայանած իրանական ռազմանավերը խլացնում են սիրիական ընդդիմության կապի աղբյուրները: Չէր բացառվում նաև, որ իրանական ռազմանավերն իրենց հետ զենք բերած լինեին Ասադի ռեժիմին:
