Megaupload կայքի հիմնադիր Կիմ Դոթքոմը այսօր գրավի դիմաց ազատ է արձակվել: Նոր Զելանդիայի դատավորը եզրակացրել է, որ իշխանությունները սառեցրել են ֆինանսավորման աղբյուրները, որոնք նա կարող էր օգտագործել երկրից հեռանալու համար:
Հիշեցնենք, որ ԱՄՆ իշխանությունները մեղադրում են Դոթքոմին այն բանում, որ նրա հիմնադրած ինտերնետային կայքի միջոցով հնարավոր է ոչ օրինական փաստաթղթեր տարածել համացանցում: The Washington Post-ը տեղեկացնում է, որ Դոթքոմը կալանված է եղել հունվարի 20-ից:
Դատարանից դուրս գալուց հետո Դոթքոմը լրագրողներին հայտնելէ. «Ուրախ եմ, որ կարող եմ գնալ տուն և տեսնել երեխաներիս և հղի կնոջս»: