Հայրն, ում որդին սպանվել է Իրաքում ծառայելիս, այրել է ԱՄՆ-ի Նյու Ջերսիի նահանգային դրոշը՝ որպես բողոքի նշան այն որոշման դեմ, ըստ որի պետք է իջեցվեին Նյու Ջերսիի դրոշները` Ուիթնի Հյուսթոնի հիշատակը հարգելու համար:
Daily Mail-ը գրում է, որ Ջոն Բըրին շաբաթ օրը Միչիգանի իր տան բակում այրել է Նյու Ջերսիի նահանգային դրոշը` ասելով, որ դրոշները պետք է իջեցվեն միայն այն կանանց և տղամարդկանց համար, ովքեր իրենց կյանքն են տվել ԱՄՆ-ի համար:
60-ամյա Բըրիի որդին 2005 թվականին Բաղդադում զոհվել էր 20 տարեկան հասակում, և Միչիգանի դրոշներն այդ ժամանակ իջեցվել էին նրա պատվին: