Մադրիդի «Ատլետիկո»-ի հարձակվող Սերխիո Ագուերոն վստահ է, որ իր թիմն ի վիճակի է հաղթահարելու «Ռեալ»-ի արգելքը Իսպանիայի գավաթի խաղարկության քառորդ եզրափակիչում: «Սկզբում մենք պետք է կենտրոնանանք ազգային առաջնության «Հերկուլես»-ի հետ հանդիպման վրա, դրանից հետո միայն կարելի է մտածել «Ռեալ»-ի մասին: Կարծում եմ` ժամանակն է, որ վերջապես հաղթենք մադրիդյան դերբիում: Մենք պարտավոր ենք ընդհատել «Ռեալ»-ի հետ անհաջող հանդիպումների շարքը»,- ասել է արգենտինացին` Marca-ին տված հարցազրույցում: