23-ամյա անգլիացի երգչուհի Ադելը (Ադել Լաուրի Բլյու Էդկինս) դատի է տալիս ֆրանսիական Public հանդեսին, որը հրապարակել է աղջկա կեղծ էրոտիկ լուսանկարները: Այս մասին հաղորդում է NEWSru Israel–ը՝ հղում անելով The Daily Mail-ին:
Հանդեսի խմբագրությունը պնդում է, որ սմարթֆոնի օգնությամբ արված էրոտիկ լուսանկարներում երիտասարդ երգչուհին է։
Ադելն էլ իր հերթին հերքում է և մեղադրում հրատարակությանն իր հեղինակությանը վնաս հասցնելու համար, քանի որ այդ պարբերականը շաբաթվա մեջ կարդում է 3 միլիոն մարդ:
Ադելը, ով հաղթել էր Grammy-ի 7 անվանակարգերից վեցում, Rolling In The Deep երգի համար ստացել է «Ոսկե գրամաֆոն», ճանաչվել է «Տարվա լավագույն երգչուհի» և արժանացել է այլ մրցանակների, ավելի վաղ հայտարարել էր, որ թողնում է երգչուհու կարիերան, քանի որ ուզում է ամբողջ ժամանակը նվիրել իր նոր սիրեցյալին:
Vogue ամսագրի իր հարցազրույցում նա դժգոհել էր, որ անձնական կյանքը և կարիերան համատեղելու իր նախկին փորձերն անհաջողությամբ են ավարտվել:
«Սակայն ես այսօր ունեմ բավականաչափ ժամանակ՝ սիրո և երջանկության համար, և ես մտադիր եմ բացել նոր, երջանիկ էջ իմ կյանքում: Ես կամուսնանամ, երեխաներ կունենամ և սեփական այգում բանջարեղեն կաճեցնեմ»,- մեջբերում է երգչուհու խոսքերը հրատարակությունը:
