Այսօր ԱՄՆ-ում նշում են նախագահների օրը:
Սկզբնապես այն նվիրված է եղել ԱՄՆ առաջին նախագահ Ջորջ Վաշինգտոնի ծննդյան օրվան (ծնվել է 1732 թ. փետրվարի 22-ին): Սակայն քանի որ փետրվարին (12-ին) ծնվել է ԱՄՆ ևս մեկ նախագահ՝ Աբրահամ Լինկոլնը, որոշվել է այդ տոնը նշել փետրվարի երրորդ երկուշաբթին, այսինքն՝ մոտավորապես երկու ծննդյան օրերի միջև:
Վաշինգտոնը նախագահի պաշտոնը զբաղեցրել է 8 տարի: Նրա օրոք դրվել են ԱՄՆ տնտեսական, ֆինանսական, դատա-իրավական, համակարգերի հիմքերը, ուժի մեջ է մտել իրավունքների մասին Բիլը, որը առաջ է քաշում խոսքի, մամուլի, և հավաքների ազատությունը:
Լինկոլնն իր հերթին մեծ բան է արել պետության ամրապնդման համար: Հենց նա է կանխել Հյուսիսի և Հարավի միջև քաղաքացիական պատերազմի ժամանակ երկրի պառակտումը: 1863 թ. վերացրել է ստրկությունը: Նրան է պատկանում ժողովրդավարության հիմնական նպատակի ձևակերպումը. «Կառավարությունը ստեղծվում է ժողովրդի կողմից, ժողովրդից և ժողովրդի համար»:
Ինչպես հաղորդւոմ է ITAR-TASS-ը, նախագահաների օրվա նախօրեին Հարիսի հետազոտական ծառայությունը հրապարակել է իր հետազոտության արդյունքները, որը նպատակ ուներ պարզել՝ ԱՄՆ նախագահներից ո՞վ է ժողովրդի համար «ամենալավը պատմության մեջ»: Եվ այսպես, առաջին տեղում հայտնվել է Լինկոլնը (32%), նրան հաջոդրում են Ռոնալդ Ռեյգանը (26%), Ջորջ Վաշինգտոնը և Ջորջ Քենեդին (յուրաքանչյուրը 21%) և Բիլ Քլինթոնը (19%):