Մեքսիկական բանտում տեղի ունեցած անկարգությունների հետևանքով զոհվածների թիվը հասել է 40-ի: Այս մասին հայտնել է Նուեվո Լեոն նահանգի անվտանգության ծառայության մամլո քարտուղար Դոմենե Զամբրանոն,- հաղորդում է Associated Press գործակալությունը:
Ըստ պաշտոնական տվյալների` սպանվածները տուժել են իրենք իրենց մեղքով` ներքին անհաշտությունների պատճառով, իսկ ոստիկանությունը կրքերը հանդարտեցնելու համար ստիպված է եղել զենք կիրառել:
Հաղորդվում է նաև, որ բանտի մոտ հավաքված բանտարկյալների հարազատները պահանջում են, որպեսզի բանտի իշխանությունները հնարավորություն տան դատապարտյալներին տեղի ունեցածի վերաբերյալ իրենց տեսակետը հայտնելու:
Հիշեցնենք, որ բանտում անկարգությունները սկսվել էին այն բանից հետո, երբ մի խցիկի բանտարկյալները պահակներից մեկի հանդեպ ուժ էին գործադրել և գերի վերցրել նրան, որից հետո նրանց հաջողվել էր բացել մյուս խցիկների դռները:
