«Հազարամյակի մարտահրավեր» կորպորացիան (Millenium Challenge Corporation) գումարներ կտրամադրի Վրաստանին: Այս մասին որոշում է կայացրել կորպորացիայի տնօրենների խորհուրդը: Տրամադրվող գրանտի գումարը հայտնի չէ, այն պարզ կդառնա ավելի ուշ: Այս մասին հաղորդում է Грузия-Online կայքը` հղում անելով Վրաստանի վարչապետի խոսնակ Նիկոլոզ Մչեդլիշվիլիին:
Նա հայտնել է, որ «խորհրդի նիստի ժամանակ, որը գլխավորել է պետքարտուղար Հիլարի Քլինթոնը, որոշում է կայացվել, որ ֆինանսական օժանդակություն կստանան երկու երկիր` Գանան և Վրաստանը»:
Գումարի չափերը և ծրագրերը, որոնց վրա դրանք կծախսվեն, համաձայնեցվելու են Վրաստանի և ԱՄն կառավարությունների կողմից: Չի բացառվում, որ դրանց մի մասը կուղղվի Բաթումի տեխնոլոգիական կենտրոնի կառուցմանը:
Հիշեցնենք, որ Վրաստանը 2005 թ. արդեն ստացել է «Հազարամյակի մարտահրավեր» կորպորացիայից գրանտային գումար` 295,3 դոլարի չափով: