«ՀԺ»-ն գրում է, որ ըստ ՀՀ պետեկամուտների կոմիտեի հրապարակած տվյալների` 2011թ. վերջին եռամսյակում Հայաստանին մատակարարվող 1000 խորանարդ մետր գազի գինը եղել է 209 դոլար, այնինչ Պաշտոնապես հայտարարվում Է, թե ՀՀ-ն ՌԴ-ից գազը գնում է 180 դոլարով:
«ՀՀ-ին մատակարարվող գազի գնի բարձրացումը վաղ թե ուշ հանգեցնելու է նաև բնակչությանը մատակարարվող գազի գնի բարձրացման: Սա Է պատճառը, ահա, որ իշխանությունները թաքցնում ՚ են Հայաստանին մատակարարվող գազի գնի բարձրացման փաստը, հակառակ դեպքում ստիպված կլինեն խոստովանել, որ այս տարվա խորհրդարանական կամ 2013-ի նախագահական ընտրություններից հետո բնակչությանը մատակարարվող գազի գինը բարձրացնելու են:
Այն մասին, որ ՌԴ-ից Հայաստանին մատակարարվող գազը թանկացել է, և դա գաղտնի Է պահվում, մամուլում հրապարակումներ են եղել դեռ անցած տարի, որոնք պաշտոնապես համառորեն հերքվել և հերքվում են:
Երեկ էլ ՀՀ էներգետիկայի և բնական պաշարների նախարար Արմեն Մովսիսյանը լրագրողներին հավաստիացնում էր, թե գազի գինը չի փոխվել, ու առաջվա պես 1000 խմ գազը Ռուսաստանը Հայաստանին մատակարարում Է 180 դոլարով: Սակայն, ՊԵԿ-ի հրապարակած տվյալները հակառակն են ապացուցում` գազը թանկացել Է»,- հավելում է «ՀԺ»-ն:
