Սիրիական կառավարական զորքերն այսօր սկսել են գրոհել երկրի հարավում գտնվող Դարաա քաղաքը՝ փորձելով այնտեղից դուրս հանել «Սիրիայի ազատ բանակ»-ի ջոկատները: Այս մասին հաղորդում է «Ազատություն» ռադիոկայանի ռուսական ծառայությունը:
Ըստ քաղաքից եկող տեղեկությունների՝ այստեղ դաժան մարտեր են ընթանում, զոհերի կոնկրետ թիվը հայտնի չէ:
Հիշեցնենք, ՄԱԿ-ի Գլխավոր ասամբլեայի անդամներն այսօր պետք է քվեարկություն անցկացնեն Սիրիայի դեմ բանաձևի նախածի շուրջ: Կատարի և Սաուդյան Արաբիայի կողմից պատրաստված փաստաթութը երկրում շարունակվող արյունահեղության ողջ պատասխանատվությունը դնում է Սիրիայի իշխանությունների վրա:
Հարկ է նշել, որ ՄԱԿ-ի Գլխավոր ասամբլեայի որոշումներն օրենքի ուժ չունեն և ավելի շատ կրում են խորհրդատվական բնույթ:
