Տղամարդը դարձել է Բրիտանիայի առաջին «տղամարդ մայրը», չնայած երբեք սեռափոխության չի ենթարկվել: Տրանսգենդեր մարդկանց աջակցությամբ զբաղվող Beaumont Society խմբի հաղորդման համաձայն, 30-ամյա տղամարդը ծննդաբերել է անցած տարի:
Daily Mail-ը հաղորդում է, որ խմբի անդամներից Ջոենա Դարելն ասել է, որ տղամարդը մոտեցել է իրենց` երեխա ունենալու վերաբերյալ խորհուրդ ստանալու նպատակով:
Խումբն ընդհանուր հանդիպում է ունեցել: Beaumont Society-ն մարդկանց ապահովում է անհրաժշեշտ տեղեկատվությամբ և կարող է նրանց հայտնել ավելի մասնագիտացած կազմակերպությունների վերաբերյալ: Այնուհետև տղամարդը նորից եկել է խումբ և ասել, որ ունեցել է երեխա:
Տղամարդուն խորհուրդ են տվել դիմել Gender Identity Research and Education Society բարեգործական ընկերությանը, որը տրամադրում է կրթություն` հիմնված գենդերային ինքնության և միջսեռական հարցերի վերաբերյալ արված հետազոտությունների վրա: Այդկերպ ընկերությունը փորձում է բարելավել այն մարդկանց կյանքը, ովքեր այդ հարցերով ինչ-որ խնդիրներ ունեն:
Հավանական է, որ տրանսգենդեր տղամարդիկ, ովքեր ծնվել են որպես կին և ունեն իգական սեռին հատուկ սեռական օրգաններ, հղիանան, չնայած նրան, որ ապրում են` որպես տղամարդ:
