«Հրապարակ»-ը գրում է, որ Արարատի մարզի թիվ 18 ընտրատեղամասում Արայիկ Գրիգորյանի` Ավշարի գինու գործարանի խորհրդի նախագահի հետ, ամենայն հավանականությամբ, կպայքարի մեկ այլ արարատցի` անկուսակցական Ռազմիկ Թևանյանը:
Վերջինս Երասխի գինու գործարանի տնօրենն է: Երեկ Թևանյանը մեր թղթակցին հայտնել է, որ առաջիկա օրերին կհստակեցվի` կառաջադրի՞ իր թեկնածությունը, թե՞ ոչ:
«Ժողովրդի հետ մի քանի հանդիպումից հետո վերջնականապես որոշմանս մասին կհայտարարեմ»,- ասել է Թևանյանը:
«Հիշեցնենք, որ այս ընտրատեղամասի գործող պատգամավոր, «Վեդի Ալկո» ընկերության սեփականատեր, ՀՀԿ-ական Մանվել Ղազարյանն այս անգամ չի առաջադրելու իր թեկնածությունը»:
Լրագրողի դիտարկմանը, թե Թևանյանը պայքարի է դուրս գալու ոչ միայն ՀՀԿ-ի թեկնածուի, այլև մարզում ազդեցություն ունեցող գործարար Արայիկ Գրիգորյանի դեմ, վերջինս պատասխանել է.
«Ես էլ ոչ պակաս ազդեցություն ունեմ: Իմ կողքին էլ բոլորը կռված տղերքն են կանգնած, ինչու չէ` նաև ժողովրդի մի ստվար զանգված»:
