ԱՄՆ նախագահ Բարաք Օբաման չորեքշաբթի օրն ասել է, որ Եվրոպան չպետք է նահանջի այն ժամանակ, երբ նրա առաջնորդները փորձում են հաղթահարել պարտքային ճգնաժամը: Դա, ըստ Օբամայի, կարող է մեծ վնաս հասցնել ամերիկյան տնտեսությանը:
Reuters-ի փոխանցմամբ՝ La Stampa-ին տված հարցազրույցում նախագահն ասել է, որ ԱՄՆ-ը կանի իրենից կախված ամեն ինչ՝ օգնելու համար, բայց շեշտել է, որ հիմնական ծանրությունը ընկած է Եվրոպայի ուսերին:
Հարցազրույցի ընթացքում Օբաման նաև ասել է՝ այժմ անհրաժեշտ է, որ Եվրոպայի բոլոր կառավարությունները ցույց տան իրենց բացարձակ պատրաստակամությունը ճգնաժամը հաղթահարելու գործում` Եվրոպայի տնտեսական ապագան երաշխավորելու նպատակով: