Ըստ «ժողովուրդ»-ի տեղեկությունների՝ երեկ Հանրապետական կուսակցությանը Սերժ Սարգսյանի կողմից հրահանգ է իջեցվել, որպեսզի նրանք ԲՀԿ-ի «ընդդիմադիր խաղերին» բուռն չարձագանքեն և նեղացածի կեցվածք չընդունեն:
«Նրանց բացատրվել է, որ Ռուսաստանի Դաշնությունից Հայաստան եկած պատվիրակությանը ճանապարհելուց հետո՝ շաբաթվա վերջին, կրկին կոալիցիոն նիստ է հրավիրվելու, և բոլոր հարցերը կպարզաբանվեն այնտեղ: ՀՀԿ-ական պատգամավորները երեկ միայն «պատերի տակ» էին հիշեցնում, որ ԲՀԿ-ն կոալիցիոն նախկին նիստի ժամանակ համաձայնել է առաջարկված բոլոր պայմաններին, և առնվազն տարօրինակ է, որ բոյկոտում՛ է Աժ նիստերը:
Այսպիսով՝ իշխող կոալիցիայի «հաջորդ դասին» կքննարկվի ԲՀԿ-ի այս «դասի» առայժմ անհասկանալի պահվածքը»,- հավելում է թերթը: