Փրկարարները դադարեցրել են Պապուա–Նոր Գվինեայի ափին լաստանավի խորտակման արդյունքում ավելի քան 100 անհայտ կորածների որոնումները: Ավելի վաղ` երկուշաբթի օրը, դադարեցվել էին խորտակված Costa Concordia խոշոր նավի 15 անհայտ կորած ուղևորների որոնումները: Լաստանավի ուղևորների որոնումները դադարեցնելու մասին հայտնել է BBC-ն:
Փրկարարների խոսքերով` որևէ մեկին ողջ գտնելու հավանականություն այլևս չկա: Ողբերգության տարածքում նկատվում է ալեկոծում, իսկ ուժեղ քամու պատճառով օդային որոնումներն ավելի վաղ էին դադարեցվել:
Նախնական տվյալներով՝ Պապուա–Նոր Գվինեայի ափերի մոտ նավաբեկության պատճառը վատ եղանակային պայմաններն են: