«Մենք Հայաստանի կառավարությանն առաջարկել ենք բացել բոլոր արխիվները, բայց, ցավոք, նրանք այդ խիզախությունը չունեն»: Այս մասին հայտարարել է ԵՄ հարցերով Թուրքիայի նախարար Էգեմեն Բաղըշը:
Ինչպես հայտնում է SalamNews-ը, Բաղըշը «Ալ-Ջազիրա» հեռուստատեսության Talk to Al Jazeera հաղորդման հյուրն է եղել: Հաղորդման հիմնական թեման Ֆրանսիայի Սենատի կողմից Հայոց ցեղասպանության ժխտումը քրեականացնող օրինագծի հաստատումն էր:
Բաղըշը հիշատակել է Թուրքիայի վարչապետի ուղարկած նամակը Հայաստանի կառավարությանը:
«Մեր վարչապետը նամակ է գրել Հայաստանի կառավարությանը՝ ասելով, որ եթե նրանք պատրաստ են հանդիպել իրենց պատմության հետ, ապա մենք էլ ենք պատրաստ: Առաջարկել է բացել բոլոր արխիվները, ստեղծել հանձնաժողով և հարցը քննարկել պատմական , քաղաքական, մարդաբանական ուղղություններով… Սակայն, ցավոք սրտի, Հայաստանի կառավարությունը նման խիզախություն չունի»:
