Associated Press-ը, վկայակոչելով իրանական լրատվամիջոցները, հայտնում է, որ Իրանը ռազմածովային զորավարժություններ է սկսել Հորմուզի նեղուցի շրջանում, որը համարվում է առանցքային ջրուղի՝ Պարսից ծովի նավթի փոխադրման հարցում:
Նշվում է, որ իրանական ռազմածովային զորավարժությունները կտևեն 1 ամիս:
Հիշեցնենք, որ նախորդ տարվա դեկտեմբերին Իրանի ռազմածովային ուժերը Հորմուզի նեղուցի շրջանում անցկացրել էին «Վելայաթ-90» զորավարժությունները, որոնք ավարտվել էին մեծ հեռահարություն ունեցող հրթիռների փորձարկմամբ: