News Georgia-ի փոխանցմամբ՝ 2011 թ. Թբիլիսիի, Քութայիսի ու Բաթումի օդանավակայաններն ընդունել են ավելի քան 18,000 ավիաթռիչք: Այս մասին են վկայում սահմանային-միգրացիոն վերահսկման վիճակագրական տվյալները:
Ամենաշատ թռիչքները բաժին են ընկել Ուկրաինային՝ ավելի քան 3400 թռիչք (երկու ուղղությամբ): Ապա գալիս են Թուրքիան՝ 3300 թռիչք, Ռուսաստանը՝ 1450 թռիչք, Ադրբեջանը՝ 1390 թռիչք և Գերմանիան՝ 1100 թռիչք:
Հետնապահներն են՝ Հնդկաստանը՝ 21 թռիչք, Իտալիան՝ 22 թռիչք, Շվեդիան և Լիտվան՝ 24-ական թռիչք:
Ամենաշատ ավիաթռիչքներ կատարվել են Թբիլիսիի միջազգային օդանավակայանից՝ 16,200 թռիչք, ապա Բաթումի (1900 թռիչք) և Քութայիսի (116) միջազգային օդանավակայաններից:
